KOʻKPATAS KONLARI

Olamga mashhur $$Muruntov oltin koni$$ to‘g‘risida ko‘p eshitganmiz. $$Ko‘kpatas konlari$$ ham undan qolishmasligi hali ko‘pchilikka ma’lum emas. Bir-biridan 3-7 kilometr nari-berida joylashgan, bir nechta kon zahirasini o‘z bag‘riga olgan $$Ko‘kpatas$$ o‘ziga xos qazilma boylik manbaidir. $$Navoiy kon-metallurgiya$$ kombinatining Uchquduqdagi 3-gidrometallurgiya zavodi asosan ana shu konlardan qazib olinayotgan xom-ashyo hisobiga uzluksiz ishlab turibdi. Zahiralarning tarqoqligi konchilarga qiyinchiliklar tug‘dirish tabiiy. Yirik texnikalarni qismlarga ajratish, ko‘chirish, qayta yig‘ishning o‘zi bo‘lmaydi, Bunga ham vaqt ham qo‘shimcha mablag‘ talab etiladi. Shimoliy kon boshqarmasining «Sharqiy» bo‘linmasi jamoasi bu borada o‘ziga xos tajribaga ega. Hech qachon uzilishlarga yo‘l qo‘yilmaydi.